النتيجة قربت فقولت الحق اكتبلى تدوينتين قبل ما النتيجة تطلع ويشلوحونى فى البيت
وبعدين انا بقالى فترة ما كتبتش حتى اسمى فقولت اقرفكوا شوية D:
الشعب المصرى والحمد لله من الشعوب القلائل المشهورين بأنهم متأخرين فى كل حاجة..
متأخر فى مواعيده.. متأخر فى علمه.. متأخر فى الجواز.. متأخر فى قراراته.. متأخر.. متأخر.. متأخر..
عندك مثلا الشعب المصرى هو الوحيد اللى بيشترى حاجة رمضان قبل رمضان بيوم ,جبروت بعيد عنك
وهو هو بردة اللى بيشترى حاجة المدارس من كراريس واقلام ومساطر والبراية "اللى بتنور او اللى فيها سمكة" قبل المدارس بيوم , افترى الله لا يوريك
حتى يوم ما فكرنا نعمل ثورة عملناها بعد 30 سنة وقبل ما الراجل يمشى (او يجدد يعنى) بسنة , صبر ..الله ما يكتب عليك
الشعب المصرى هو الشعب الوحيد اللى علم نفسه كل حاجة بدون معلم فى 6 ايام
الشعب المصرى هو الشعب الوحيد اللى لما بيعمل افلام اكشن والرصاص يخلص من البطل بردة بيفضل يتك على الزناد يمكن يلاقى رصاصة محشورة ولا حاجة
ولسه الناس بتربى دوفر صباعها الصغير .. لمداعبة الاذن من وقت لأخر
الشعب المصرى الجحودى اللى بيقولك عاوز يعيش الحرية .. عايش قمة الحرية اللى الامريكان والاوربيين ذات نفسهم محرومين منها!
يركن فى اى مكان .. يرمى الزبالة فى اى حتة .. يمشى بعربيته فى اى اتجاه .. يخلف فى عيال زى ما هو عايز ... ويشترى فى اتخن حتة فى البلد بربع جنية المتر
حتى يوم ما الفن اتطور فى مصر ودخل فن الجرافيتى كان ابطاله التيتى وزيدان
والحاجة الوحيدة اللى كنا بنتمنظر بيها قدام العالم.. القطن طويل التيلة ايام ما كان عنده تيلة طويلة وكان بيتفشخر بيها هنا وهناك لحد ما قطعوله تيلته ولا بقى طويل ولا نيلة
فى حين ان الهند بتصنع لابتوبات وموبايلات وعربيات وعندها وكالة فضاء .... بابا .. بابا .. بابا ... يا بابااااااااا
- عاوز اية يا ابن الـ...
- عاوز فيل
خليك ايجابى .. ابدأ بنفسك وهاتلك فيل :)
وبعدين انا بقالى فترة ما كتبتش حتى اسمى فقولت اقرفكوا شوية D:
الشعب المصرى والحمد لله من الشعوب القلائل المشهورين بأنهم متأخرين فى كل حاجة..
متأخر فى مواعيده.. متأخر فى علمه.. متأخر فى الجواز.. متأخر فى قراراته.. متأخر.. متأخر.. متأخر..
عندك مثلا الشعب المصرى هو الوحيد اللى بيشترى حاجة رمضان قبل رمضان بيوم ,جبروت بعيد عنك
وهو هو بردة اللى بيشترى حاجة المدارس من كراريس واقلام ومساطر والبراية "اللى بتنور او اللى فيها سمكة" قبل المدارس بيوم , افترى الله لا يوريك
حتى يوم ما فكرنا نعمل ثورة عملناها بعد 30 سنة وقبل ما الراجل يمشى (او يجدد يعنى) بسنة , صبر ..الله ما يكتب عليك
الشعب المصرى هو الشعب الوحيد اللى علم نفسه كل حاجة بدون معلم فى 6 ايام
الشعب المصرى هو الشعب الوحيد اللى لما بيعمل افلام اكشن والرصاص يخلص من البطل بردة بيفضل يتك على الزناد يمكن يلاقى رصاصة محشورة ولا حاجة
ولسه الناس بتربى دوفر صباعها الصغير .. لمداعبة الاذن من وقت لأخر
الشعب المصرى الجحودى اللى بيقولك عاوز يعيش الحرية .. عايش قمة الحرية اللى الامريكان والاوربيين ذات نفسهم محرومين منها!
يركن فى اى مكان .. يرمى الزبالة فى اى حتة .. يمشى بعربيته فى اى اتجاه .. يخلف فى عيال زى ما هو عايز ... ويشترى فى اتخن حتة فى البلد بربع جنية المتر
حتى يوم ما الفن اتطور فى مصر ودخل فن الجرافيتى كان ابطاله التيتى وزيدان
والحاجة الوحيدة اللى كنا بنتمنظر بيها قدام العالم.. القطن طويل التيلة ايام ما كان عنده تيلة طويلة وكان بيتفشخر بيها هنا وهناك لحد ما قطعوله تيلته ولا بقى طويل ولا نيلة
فى حين ان الهند بتصنع لابتوبات وموبايلات وعربيات وعندها وكالة فضاء .... بابا .. بابا .. بابا ... يا بابااااااااا
- عاوز اية يا ابن الـ...
- عاوز فيل
خليك ايجابى .. ابدأ بنفسك وهاتلك فيل :)
