تخيل انه بجنية واحد بس ممكن تعرف سعاد عاملة اية النهاردة على العشا
وان رامى فركش مع عبير علشان اختلفوا على فستان الخطوبة هو شايف الفستان عريان وهى راسها والف سيف انها تجيب الفستان دة
وفيفى اتخانقت مع البت مى علشان لون البلوزة بتاعتها كان شبه لون البلوزة اللى هى جابتها من اسبوع بس اكيد مش دة السبب يعنى انت اكيد عارفه اللى حصل قبل كدة
وان المقدسة تريزة بتدور على شغل للواد احمد ابن جارتها علشان ابن حلال ويستاهل كل خير
ومدرس العربى اللى كان بيدى ابن مدام سهير درس خصوصى عاوز 160 بدل 140 علشان ثانوية عامة بقى
والبتاعة اللى بتركب فى السيفون من جوة علشان تقول للماية خلاص تقف شكلها باظت وعوزين يجيبوا واحدة جديدة اسمها عوامة اختى
