انا بدأت أشك ان المصريين مش هما اللى بنوا الاهرامات وبدأ خيالى يسرح وبدأت بنات افكارى تتنطط قدامى
انت يا بت اجرى انجرى واعمليلى كوباية شاى ...
بص يا برنس كان فى واحد زمان اسمه خوفوا كان ماشى لاقى شوية بنى ادمين قالهم انت ياد منك له انا ملك كبير قوى فى الشرق الاوسط
حدش يعرف المقاولون العرب ارحلهم منين .. لا وسعت قوى دى
خلاص كان فى اتنين ماشين لاقوا الاهرامات محطوطة قاله بقولك اية يا برنس ما تيجى نعمل حضارة هنا ونجيب عيال وكدة قالة قشطة يلا بينا
لا ما ينفعش لازم يكون واحد ووحدة !! ..مافيش مشاكل
كان فى واحد ماشى قابل واحدة ولقوا الاهرامات محطوطة قالها بقولك اية يا موزة ما تيجى نتجوز عرفى ونعمل حضارة هنا ونجيب عيال وكدة قالتله طب عندك موكنة قالها لية موكنة ما الاهرامات اهى
لا بردة ما ينفعش دى قصة للكبار فقط
طب اية ؟ اصل مش معقول الأنجاز الوحيد اللى عمله المصريين فى حياتهم هو الاهرامات والغاء التوقيت الصيفى
ماهو يا اما استوردناها يا اما على رأى عمورة "فوتوشوب" انا خايف ارفع الهرم الاقى مكتوب "Made in China"
طب فى حد نفسه يعمل حاجة ؟ طب احنا حنفضل نفسنا كدة كتير ؟ طب حنبدأ امتى بقى ؟ طب ممكن مثلا نروح نأخد كورسات عند الناس الصينيين فى الحاجات الاساسية للحياة .. فوانيس رمضان مثلا
تعرف اية هى دورة حياة الإنسان المصرى ؟
اقولك انا:
بيدرس بيدرس بيدرس لسه بيدرس.. بيتخرج.. بيشتغل (إحتمال).. بيكون نفسه.. بيتجوز (بردة إحتمال).. بيقعد يجيب فى عيال وبعدين يموت
ياعم انت جاى تقرفنا لية ما تقول لنفسك .. انت عملت اية يعنى ؟؟
يا برنس انا مش مصرى اصلا انا بس جاى انصحكوا اصلنا عملنا كدة فى المريخ