والجيران بقى يستلموا امى فى الطالعة والنازلة والله عشتى وشوفتى يا سنيه ابنك بقى منديل قد الدنيا..
امى طبعا مش حتسكتلهم لا يا اختشى انتى وهى كل واحده تخليها فى مناخيرها وتقعد ساكته ابنى طول عمره منديل كبير فى الكلية..
ولما اكبر كدة وابقى منديل ملو هدومى امى تحب تجوزنى حتروح تخطبلى واحدة اسمها هاندى..
واقعد انا بقى احور عليها... انا يا هاندى طول عمرى منديل 3 طبقات وعندى طموح ابقى 4
امتى بقى نتجوز انا وانت ويجمعنا باكو واحد ابت اهندى وغلوتك عندى لخلهولك بريحة الليمون..
تقوم هاندى بقى مندمجة فى الدور حتنشفنى النهاردة فين ياحياتى.. انت تحبى تتنشفى فين يا روح قلبى... وتستمر قصة الحب
لحد ما يجى عيل رزل مناخيره بتاكله فيقوم مطلع منديل... وهاندى تصرخ باعلى صوت ما تسبنيش يا منديل ما تسبنيش يا منديل ....!
